Other Countries - Otta Nottathil - israel_lebanon

Advertisements

ഇസ്രയേലിന്റെ അടുത്ത ലക്ഷ്യം ലബനന്‍

Photo #1 - Other Countries - Otta Nottathil - israel_lebanon_hibollah

ജറുസലേം: ലബനനിലെ ഹിസ്ബുല്ലയെ നേരിടാന്‍ കൂടുതല്‍ സൈനികരെ വടക്കന്‍ അതിര്‍ത്തിയിലേക്ക് അയക്കാനുള്ള ഒരുക്കങ്ങള്‍ നടത്തിയതായി ഇസ്രയേല്‍ പ്രധാനമന്ത്രി ബഞ്ചമിന്‍ നെതന്യാഹു മുന്നറിയിപ്പു നല്‍കി. ഗസ്സയില്‍ ഹമാസിനെതിരായ യുദ്ധത്തിന്റെ നിലവിലെ ഘട്ടം അവസാനിച്ചുകൊണ്ടിരിക്കുകയാണെന്നും നെതന്യാഹു. അതേസമയം, ഗസ്സയില്‍ നടക്കുന്ന യുദ്ധത്തിന് അവസാനമില്ലെന്നും ടിവി ചാനലിനു നല്‍കിയ അഭിമുഖത്തില്‍ ഇസ്രായേല്‍ പ്രധാനമന്ത്രി സൂചിപ്പിച്ചു.

ലബനിലെ ഹിസ്ബുല്ലക്കെതിരായ ഇസ്രായേല്‍ നീക്കം മേഖലയെ സമ്പൂര്‍ണമായി സംഘര്‍ഷത്തിലാഴ്ത്തുമെന്ന ആശങ്ക ഉയര്‍ത്തുന്നതാണ്. ഒക്ടോബര്‍ 7ന് ആരംഭിച്ച ഗാസ ആക്രമണത്തിനു തൊട്ടുപിന്നാലെ ഇറാന്റെ പിന്തുണയുള്ള ഹിസ്ബുല്ല ഇസ്രായേലിനെതിരെ ആക്രമണം തുടങ്ങിയിരുന്നു. പല ഘട്ടങ്ങളിലും ഇരു സൈന്യവും തമ്മില്‍ തീവ്രമായ ഏറ്റുമുട്ടലുകള്‍ നടന്നു.

ഹമാസിനേക്കാള്‍ ശക്തമാണ് ഹിസ്ബുല്ല. ഒരു പുതിയ യുദ്ധ മുന്നണി തുറക്കുന്നത് മറ്റ് ഇറാനിയന്‍ അനുകൂല സേനകളും ഇറാന്‍ തന്നെയും ഉള്‍പ്പെട്ട വ്യാപകമായ യുദ്ധത്തിന്റെ അപകടസാധ്യത ഉയര്‍ത്തുമെന്നും ഇത് അതിര്‍ത്തിയുടെ ഇരുവശത്തും കനത്ത നാശനഷ്ടങ്ങള്‍ക്ക് ഇടയാക്കുമെന്നും വിലയിരുത്തപ്പെടുന്നു.

ഗസ്സയില്‍ വെടിനിര്‍ത്തല്‍ ഉണ്ടാകുന്നതുവരെ ഇസ്രയേലുമായുള്ള പോരാട്ടം തുടരുമെന്ന് ഹിസ്ബുല്ലയും അറിയിച്ചു. ഹിസ്ബുല്ലക്ക് പുതിയ ആയുധങ്ങളും രഹസ്യാന്വേഷണ സന്നാഹങ്ങളും ഉണ്ടെന്നുള്ള സൂചന നല്‍കി ഇസ്രായേലിനകത്ത് കൂടുതല്‍ നിര്‍ണായക സ്ഥലങ്ങള്‍ ലക്ഷ്യമിടുമെന്ന് മുതിര്‍ന്ന നേതാവ് ഹസന്‍ നസ്റുല്ല കഴിഞ്ഞ ആഴ്ച മുന്നറിയിപ്പ് നല്‍കിയിരുന്നു.

കടുത്തതല്ലാത്ത പോരാട്ടത്തിന് ഹിസ്ബുല്ല ഇതിനകം തന്നെ പുതിയ ആയുധങ്ങള്‍ പുറത്തിറക്കിയിട്ടുണ്ട്. പ്രതിരോധിക്കാന്‍ പ്രയാസമുള്ള ഡ്രോണുകള്‍ ഉള്‍പ്പെടെ ഉപയോഗിച്ച് മുന്നറിയിപ്പുകളില്ലാതെ ആക്രമിക്കുന്നു. ഡ്രോണ്‍ ആക്രമണത്തില്‍ ഒരു ഇസ്രായേലി സൈനികന് കഴിഞ്ഞ ദിവസം ഗുരുതരമായി പരിക്കേല്‍ക്കുകയുണ്ടായി.

എന്നാല്‍, തങ്ങളുടെ മുഴുശേഷിയുടെ ഒരു ചെറിയ ഭാഗം മാത്രമേ ഹിസ്ബുല്ലക്കെതിരെ പുറത്തെടുത്തിട്ടുള്ളുവെന്നും ഒരു യുദ്ധമുണ്ടായാല്‍ ലബനന്‍ രണ്ടാം ഗസ്സയായി മാറുമെന്നുമാണ് ഇസ്രായേലിന്റെ താക്കീത്. ഗാസയില്‍ ഇനി കുറച്ച് സൈനികരെ മാത്രമേ ആവശ്യമുള്ളൂ. ഹിസ്ബുല്ലയെ നേരിടാന്‍ സൈന്യത്തെ അവിടെനിന്ന് മാറ്റേണ്ടതുണ്ടെന്നും നെതന്യാഹു പറഞ്ഞു. കൂടുതല്‍ സൈന്യത്തെ വടക്കോട്ട് മാറ്റാനുള്ള സാധ്യതയുണ്ട്. പ്രതിരോധത്തിന് അതാവശ്യമാണ്. ഒപ്പം പതിനായിരക്കണക്കിന് കുടിയിറക്കപ്പെട്ട ഇസ്രായേലികളെ നാട്ടിലേക്ക് മടങ്ങാന്‍ അനുവദിക്കും~ അദ്ദേഹം വ്യക്തമാക്കി.

- dated 25 Jun 2024

Comments:

Keywords: Other Countries - Otta Nottathil - israel_lebanon_hibollah Other Countries - Otta Nottathil - israel_lebanon_hibollah,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles: